Detti e Motti a Capo Vaticano Tropea in Calabria

 

Jennaru

Iu su Jannaru, di prima entratura,

Nta tutti i mandri i fimmini figghiaru.

L'alberi ciangiunu pè la potatura

E pè muntgni i ricotti quaghhiaru.

Capu Massaru di tutti li misi,

Armanu a caccia tutti li forisi

Quandu la bella è bella di natura

cchiu sciamparata và e cchiu bella pari

Focu mu cadi di li ciaramiti

m' ardi li lingui chi parranu mali

* Frivaru

In su Frivàru. Ogni erba nasci.

Di chistu tempu nasci la viola:

la pecurella nta li chiani pasci

mentri lu lupu lu denti s'ammola.

Pè li muntagni che su' arti e bassi

'nci canta lu cardillu cola cola

Detti e Motti Capo Vaticano

A fimmana chi và fora

non faci tila e nò linzola

* Chimmu arraggi comu i cani.

 

* Marzu

In sugnu Marzu cu lu me' zappuni:

Ora i massari calanu allu chianu.

Si senti ad ogni stroffa lu pasturi

Chi frisca di li capri accumpagnatu.

Non vi fidati di lu me' contegnu

Ca sulu Coraìsima mantegnu.

* Detti e Motti

Palumbella sedi sedi

ca la tua vintura veni

Cu passa di cc' avanti e non saluta

chimmu nci cadi la vucca malata.

E seni schetta nommu si marita

e s'è cattiva mu mori arraggiata.

U porcu quandu è porcu di natura

non vali si nci fai lu strica e lava

Porci di mulinari, muli di mulatteri

fijji i putighari, non accucchiari.

Aprili

In sugnu Aprili, gentili signuri,

Chi vegnu e portu la nova armonia.

L'arburi vonnu l'abitu di jiuri,

E cantanu l'uccelli in allegria.

E chistu jiuri che mi spunta 'mpiettu

Lu dugnu a Maju, lu me' giovanettu.

Detti e Motti

Quandu jiuri la brughera

è vinuta primavera.

Ammazzasti 'u porcu e ti chiudisti

e di l'amici toi ti ndi futtisti.

* Maju

Iu su Maggiu, maggiuri d'ogni misi

Jornati longhi e criaturi cuntenti.

E quannu passu cu festi e cu rrisi

Dassu scordati tutti gli strumenti.

Mo partu ma vi dassu i boni spisi,

Vi dassu d'ogni sorta d'alimenti.

Detti e Motti

Chimmu ti ngruppa.

Campa ca vidi

e sarba ca trovi.

* Giugnu

Iu sugnu Giugnu, cu la mia sirricchia

Chi metu granu e jettu la cicerchia.

Ogni patruna faci la minestra

Mentri cunta i ducati 'nta sacchetta.

E se pe' prati 'ndavi povarelli

Tornanu cu nu ' mazzu i spichicelli.

Detti e Motti

Si voi mangiari carni cu gustu

prima la gujji e doppu l'arrusti.

Capustoticu mu t'acchiappa

* Lugliu

Chiamami Lugliu, chiamami Giugnettu,

Cu spagghia, cu cerni, cu carria.

Nujiu si sedi, appoia o staci a lettu,

Cu 'nfurna e sfurna e nujia si sazia.

Abbentu nun c'è chiù non c'è rigettu

Pé spendiri, tantu è la fatica.

Detti e Motti

Cu marinari, pecurari e sbirri

non pijjiari amicizia ca sgarri.

T'adocchiaru cu l'occhi e ca menti

iu ti sdocchiu cu l'occhi, cu cori e ca menti.

* Agosto

Augustu no 'ndavi erbi e mancu juri

Ma è di frutti bellu carricatu.

Regna suvranu lu sulileuni.

Tutta la vigna si 'ndavi adurnatu.

Scialanu tutti allegri li patruni

Cu li mugghieri e li garzuni allatu.

Detti e Motti

Lu vindiri t'impara ad accattari

e lu vicinu toi quand'hai da fari

Gromula amari mu nd'agghiutti.

* Settembri

In su' Settembri chi matura l'uva:

E quanti vigni 'ndannu a maturari!

Pira, nespuli, ficadindia e puma

Chi l'orti no ndi ponnu chiù portari.

Guarda i nuci e va cògghiri i castagni

Ca finisci 'ntra jorna la cuccagna.

Detti e Motti

U sangu jungi e l'interesse sparti.

Chimmu ti cadi a lingua

Dojjia colica mu ti pijjia

Tutti li fimmani du paisi

prigavanu a Santu Vitu

mu nci manda nu maritu

bellu, riccu e sapurito.

A socera ca nora

non passa tempu e fannu fora.

* Ottobri

Io sugnu Ottobri, gran faticaturi,

E quantu granu ndaju a siminari

Mi levu di lu lettu all'arbat'ura

Pigghiu li voi e vaju ad arari.

Nta li catoi gugghiunu li gutti.

Iu sugnu Ottobri, u cchiù russu di tutti.

Detti e Motti

Hai vojjia mu ndi fai acqua gujjiuta,

a cinnari fa janca la vucata.

Mejjiu nu piattu d'erbi si nc'è amuri

ca nu goi grassu undi c'è duluri.

* Novembri

Io sugnu Novembri cu vecchi penzeri

Ndaju a ccattari lu mantu e lu friddu

Vaju ammucciuni cu nu candileri:

Senti chi sonu fa sta vutticella.

Pigghia a cugnata e parti alla muntagna.

Cu si vesti di nigru e cu di jancu.

Detti e Motti

Quandu u suli si fa russu

u patruni stendi u mussu.

Mala Pasca mu ti veni.

* Dicembri

Io sugnu Dicembri, misi addicimbratu,

cu la olivella accantu di lu vinu

U poveru chi n'avi chi pigghiari

Nci cunta la miseria di lu riccu,

Quandu sona la notti di Natali

Tutti li mammi annacanu u Bambinu.

Detti e Motti

Patruni pochi strazi mi poi fari

ca pocu è lu tempu chi t'haiu a sirviri.

Mu vai comu patruma

chi iu e non turnau